Ağ atım

Ağ atım ,qol qanatım

At qədəmin yürtmə yeri !

Aş təpələrdən

Sıldırım tək sərələrdən

Selə sınmış dərələrdən

Bu nə tufandi gözəl kəhligimi istir ayırsın fərələrdən

Qeyrətim cuşə gəlir qəmli xəbərdən

Ağ atım –qorxma xətərdən !

Ağ atım ,qol qanatım

Şihə çək , qoy səsivə

Bəlkə yatanlarda oyansın

Yatmağın vaxti dəgil dursun utansın

Yatanın ömrü talansın

Taza nəlin var atım

Çal bu dağın sinəsinə , qoy paralansın

Çal dağın sinəsi batsın , yaralansın

Daşi daşdan , aralansın

Ağ atım , qol qanatım

Daş qayadan aşma çətindi

Qabaq üz yoqquşadi , qaşma çətindi

Dağa dirmaşma çətindi

Daşa , suvxaşma çətindi

Baxma yollari çətindi , oranın heybəti yoxdi

Ağ atim himmət elə !

Qeyrəti yoxdur

Hələ üz yoqquşalar çoxdu qabaqda

Aşmaq olmaz bu ayaqda

Ağ atım , qol qanatım

Bəsdəs ayaq saxlama , gün batdi qaraldi

Gün geçib dağ dalına rəngi saraldi

Dağın üstün duman aldi

Ağ atım , bəs bu nə haldi ?

Bura yağandi atım durma amandi

Ağ atım , qol qanatım

At qədəm aydınlığa sari

Hörkeşən ovlarilan ; çıx sərə yallari , yuxari

Qar qalan dağlara sal bir nəfəsin

Qoy ərisin büz kimi çignindəki qari

Sulari arxlara sal bəlkə suvarsın

Quri qalmış mumalari

Qoy böyük göldə üzüşsünlə yaşıl baş sonalari

Ağ atım

Cəhd elə bari

Səni tari !

Ağ atım , qol qanatım

Təbimin dəryasi coşqundu

Yel əsdir ləpələnsin

Qoy çalım dalğami , dalğam səpələnsin

Qoy yağış tək quruyan

Dağların üstündə ələnsin

Hərzə otlari aparsın

Lala bitsin

Hami güllər təzələnsin

Gülü bülbül yiyələnsin

Ağ atım , qol qanatım

At qədəmin qəleye babəkdən aşaq

Qara günlən savaşaq

At gölündən səs atıb , babəkin halın soruşaq

Yenə tufanda coşaq

Dəryalar tək qovuşaq

Ağ atım , qol qanatım

Şihə çək qoy səsivə

Hacərini tərkini çəksin nəbi gəlsin

Qoy kor oğli atıni dağlara salsın

Eşidib şihəni gəlsin

Əldə kəsgin qılıcila

Boyasın qanə keçəl həmzəni gəlsin

Qoy kərəm sazıni salsın döşünə , çöllərə düşsün

Hay səsi ellərə düşsün

Degilən qəmli kərəm istər əgər , əslini gəlsin

Düşmənin bəlkə kəsək nəslini , gəlsin

Qoy bu dağlarda böyük həlhələ düşsün

Dağlara vəlvələ düşsün !

Ağ atım , qol qanatım

Mənə bir qalği babamdan,bu vərəndildi,bunu çignimə sallam

Qara dağ başıni allam

Ora bir vəlvələ sallam

Ağ atım durma , yubansan , dali qallam

Ağ atım , qol qanatım

Biz əgər qəleye simorğdan aşsaq bizə azdi

Baxma yollar natarazdi

Baxma bu qarli dəməvənd,bu qəfqaz bu hərazdi

Baxma dağda hava dutqundi – ayazdi

Baxma bu qışdi bu yazdi

Ağ atım at qədəmin dərya , dayazdi

Dəryani geçsən əgər şəhr niyazdi

Orda hər qan ki töküldü yerə,azadlıqi yazdi

Bəşər azadlıqa bazdi !

Ağ atım , qol qanatım

Orda dülbərçin otu dört pər açıbdi

Orda dillənməgə dil tazə şirin dillər açıbdi

Orda bağlarda bütün güllər açıbdi

Ağ atım

At qədəm

Aydınlıqa sari !